BAKI, AzerVoice
Ukrayna ABŞ ilə faydalı qazıntılarla bağlı sazişi bugün imzalamağa hazırdır.
AzerVoice xəbər verir ki, bu barədə Bloomberg agentliyi məlumat yayıb.
Məlumata görə, saziş çərçivəsində iki ölkə Ukraynada dağ-mədən sənayesi, enerji və texnologiyalara investisiyaların artırılması üçün şərait yaratmağa çalışacaqlar.
Xatırladaq ki, bundan əvvəl ABŞ prezidentinin milli təhlükəsizlik üzrə köməkçisi Mayk Uolts bildirmişdi ki, ABŞ prezidenti Donald Tramp Ukrayna ilə faydalı qazıntılar sazişinin imzalanmasında qətiyyətlidir.
"Ukrayna ilə saziş imzalanacaq. İştirakçılar həftəsonu ərzində danışıqlar üzərində ciddi şəkildə hazırlaşıblar, ələlxüsus da maliyyə naziri Skott Bessent və Donald Tramp bu işdə fəal rol oynayıblar" – deyə, Uolts bildirib.
