BAKI, AzerVoice
İsrailin Strateji İşlər naziri Qəzzada hərbi əməliyyatların daha bir il davam edəcəyini açıqlayıb.
AzerVoice xəbər verir ki, İsrailin
Strateji İşlər naziri Ron Dermer Qüdsdə keçirilən konfransda çıxış
edərək Qəzzaya qarşı hərbi əməliyyatların ən azı 12 ay daha davam
edəcəyini bildirib.
O, “7 oktyabr müharibəsi gələn il bu vaxt başa çatacaq, amma bunun
açarı qələbədir” - deyə vurğulayıb.
Nazir sözügedən “qələbə” anlayışının konkret nədən ibarət olduğunu
açıqlamayıb.
Dermer çıxışında həmçinin ABŞ-İran danışıqlarına toxunaraq, Trampın
İsrailin əleyhinə bir razılaşmaya imza atmayacağına inandığını
söyləyib.
Qeyd edək ki, İsrailin Qəzzadakı hərbi əməliyyatları beynəlxalq ictimaiyyət tərəfindən tənqid olunur və bu proses humanitar fəlakətlə müşayiət edilir.
