BAKI, AzerVoice
Litva hökuməti Fələstini tanıya biləcəyinə işarə edir
AzerVoice xəbər verir ki, Litvanın xarici işlər naziri Kestutis Budris, İsraillə HƏMAS arasında atəşkəs əldə edilməli və girovların azad edilməsi ilə bağlı məsələlərə diqqət çəkərək, doğru zamanda Fələstini tanıya biləcəklərini bildirib.
Litva Milli Radio və Televiziyasının (LRT) məlumatına görə, Budris, ölkəsinin Fələstini tanımağa hazır olduğunu ifadə edərək, bu addımın atılmasının zaman məsələsi olduğunu vurğulayıb. O, Fələstinin tanınmasının yalnız beynəlxalq cəmiyyətin və əsas ölkələrin qərarlarına uyğun olacağını qeyd edib.
“İnanıram ki, biz buna nail olacağıq, amma bu, nə vaxt və hansı şəraitdə olacaq və bunun münaqişənin həllinə necə töhfə verəcəyi məsələsi önəmlidir” - deyə o bildirib.
Qeyd edək ki, Fransa prezidenti Emmanuel Makron da yaxın aylarda Fələstinin tanınması ilə bağlı bəyanat verərək, iki dövlətli həll üçün beynəlxalq konfrans təşkil etməyi planlaşdırır.
