Bakı, VOA
Danimarka Ukraynaya yeni hərbi yardım paketi ayırıb. Bu, artıq ardıcıl 19-cu yardım paketidir.
VOA xəbər verir ki, bu barədə Danimarka Müdafiə Nazirliyi məlumat yayıb.
“İyunun 18-də hökumət Xarici Siyasət Şurası ilə Ukraynanın təcili ehtiyaclarını və Ukraynanın özünümüdafiə qabiliyyətinin uzunmüddətli inkişafını dəstəkləyəcək 19-cu yardım paketi ilə bağlı məsləhətləşib”, - məlumatda deyilir.
Nazirlikdən qeyd edilib ki, paket müttəfiqlərlə müdafiə sənayesindən alqı-satqı və transferlərə dair bir sıra müxtəlif müqavilələrin bağlamasını nəzərdə tutur.
Eyni zamanda, Danimarka tərəfindən hədiyyə edilən F-16 təyyarələrini dəstəkləmək üçün daha çox avadanlıq nəzərdə tutulub.
