BAKI,AzerVoice, Nailə Babazadə
Rusiya Prezidenti Vladimir Putin Hindistana səfər edərək paytaxt Yeni Dehlidə Baş nazir Narendra Modi ilə görüşüb. Putin səfər çərçivəsində Mahatma Gandhi abidəsini ziyarət edib və qonaq kitabını imzalayıb.
AzerVoice xəbər verir ki, Yeni Dehlidəki Prezident Sarayında rəsmi mərasimlə qarşılanan Putin, daha sonra Haydarabad Sarayında Modiylə ikitərəfli görüş keçirib. Görüşdə Modi Ukrayna böhranı və strateji əməkdaşlıq mövzularını müzakirə edib, sülhün təmin olunmasını dəstəklədiklərini vurğulayıb.
Putin isə Hindistanla münasibətlərə böyük əhəmiyyət verdiklərini, hava, kosmos, yüksək texnologiya və süni intellekt sahələrində əməkdaşlığı genişləndirmək istədiklərini bildirib. O, səfər çərçivəsində bir sıra sazişlərin imzalanacağını da qeyd edib