Bakı. AzerVoice:
İsraildə müxalifət liderlərindən biri olan Benni Qantsın baş nazir Binyamin Netanyahunun yaratdığı müharibə kabinetini tərk etməyə hazırlaşdığı bildirilir.
AzerVoice xəbər verir ki, İsrail mərkəzli Kanal 12, İsrailin savaş kabinetinin üzvü Benni Qantsın bir neçə gün ərzində baş nazir Benyamin Netanyahu hökumətindən çıxacağını bildirib.
Bu ayın əvvəlində Milli Brilik Partiyasının lideri Benny Qantz, Netanyahunun Qəzzanın müharibədən sonrakı idarəetməsi üçün bir plan təqdim etməyəcəyi təqdirdə, kabineti tərk edəcəyini bildirmişdi.
Kanal 12-nin məlumatına görə, Qantsın populyarlığı getdikcə azalır. Son anketlərdə Netanyahunun Qantzı geridə qoyduğu bildirilir. Beləliklə, Netanyahu son bir ildə keçirilən sorğularda ilk dəfə Qantzı ötüb keçə bilib.
Digər tərəfdən, müharibə kabinetində müşahidəçi olan Knesset üzvü Qadi Eisenkot da Netanyahunun təhlükəsizlik və iqtisadi məsələlərdə uğursuz olduğunu və ilin sonuna qədər seçkilərin keçirilməsini tələb etdiyini bildirib.
Keçmiş ordu komandiri Eisenkot, Netanyahunun səkkizinci ayına qədəm qoyan Qəzza müharibəsinin mürəkkəbliyi haqqında dürüst olmaq əvəzinə, HƏMAS-a qarşı "tam qələbə" şüarları ilə vətəndaşları çaşdırdığını qeyd edir.
Eisenkot, Netanyahunun İranın nüvə proqramını dayandırmaq, Səudiyyə Ərəbistanı ilə diplomatik əlaqələri rəsmiləşdirmək və iqtisadiyyatı gücləndirmək kimi 2022-ci il seçki vədlərini yerinə yetirmədiyini bildirib.
