BAKI,
AzerVoice
Misirin Anubis dağındakı məzarlıq kompleksində, qədim Misirin
naməlum kralına aid olduğu düşünülen 3600 illik məzar tapılıb.
AzerVoice xəbər verir ki, arxeoloqlar, günəş tanrısı
Anubisə həsr olunmuş qazıntılar zamanı bu təəccüblü kəşfi ortaya
çıxarıblar.
Qazıntı qrupunun rəhbərlərindən biri olan Yozef Veqner, belə
tapıntıların çox nadir olduğunu qeyd edib. Təəssüf ki, qəbir
divarlarında yazıların zədələnməsi səbəbindən fironun kimliyi hələ
müəyyənləşdirilməyib. Lakin bu kəşf, Misir tarixinin eramızdan
əvvəl 3-cü minilliyə aid olduğunu göstərir. Tapıntı, döyüşçü
fironların ölkə uğrunda mübarizə apardıqları 1640-1540-cı illər
arasında baş vermiş dövrə işıq sala bilər.
Məzar, Misirin ən qədim şəhərlərindən biri olan Abydosda yerləşir. Arxeoloqlar, bu türbənin İkinci Keçid Dövründə mövcud olmuş Abydos sülaləsinə aid olduğunu düşünürlər.
Belə ki, yeni tapılan məzar, Veqnerin Abydos bölgəsində tapdığı doqquzuncu firon məzarıdır. 2014-cü ildə tapılan Seneb Kay adlı fironun qalıqları isə daha əvvəlki qazıntılar zamanı aşkar edilib. Araşdırmalar göstərib ki, Seneb Kay müharibədə həyatını itirib.
Yeni tapılan məzarda divarlar heroqliflər və rəsmlərlə bəzədilib. Lakin quldurların məzarı talan edərək, fironun adının olduğu yazıları zədələdiyi müəyyən edilib. Arxeoloqlar, fironun kimliyini tapmaq üçün türbənin ətrafında qazıntılara davam edirlər. Komandanın ən böyük ümidi, fironun mumiyalanmış orqanlarının saxlandığı kanoplu bankaları tapmaqdır.
Veqner bildirib ki, əgər bu bankalardan birinin üzərində fironun adını tapmağa müvəffəq olsaq, onun şəxsiyyətini müəyyən edə bilərik”.
Arxeoloqlar bu yay qazıntıları davam etdirməyi planlaşdırırlar. Onlar, Anubis dağının bir zamanlar fironların dəfn olunduğu kral məzarlığı kimi istifadə edildiyini və yeni kəşflərin bu bölgənin tarixi ilə bağlı mühüm məlumatlar verəcəyini qeyd edirlər.
