Bakı. AzerVoice:

Türkiyədə 53 min 537 nəfərin ölümünə və 3,3 milyon insanın evsiz qalmasına səbəb olan dağıdıcı zəlzələlərin birinci ilində, Birləşmiş Millətlər Təşkilatının İnkişaf Proqramı (UNDP) ölkənin sosial-iqtisadi bərpasına dəstəyini genişləndirmək üçün zəlzələlərin təsirinə məruz qalan bölgələrdə yeni təşəbbüslərə başlayıb.

AzerVoice-un məlumatına görə, 6 fevral 2023-cü ildə baş verən Kahramanmaraş mərkəzli zəlzələlərin birinci ildönümündə UNDP zəlzələdən zərər çəkmiş bölgələrdəki dəstək fəaliyyətləri ilə bağlı yazılı açıqlama yayıb.

Açıqlamaya görə, zəlzələdən zərər çəkmiş ərazilərin sosial-iqtisadi dirçəlişinə dəstəyin genişləndirilməsi təşəbbüsləri ilə çıxış edən UNDP-nın fəaliyyətinə Kahramanmaraşda qadın biznesinin inkişafı mərkəzinin yaradılması, zəlzələdən zərər çəkmiş qadınların biznesinin inkişafı üçün regional mərkəzin yaradılması daxildir.

Malatyada əlillər üçün protez və digər köməkçi vasitələr, Adıyaman və Hatayda qadınların işini inkişaf etdirmə mərkəzinin yaradılması, yaşlılar və əlillər üçün iki "əlçatan icma mərkəzi"nin açılmasıdır.

UNDP-nın bu yeni təşəbbüsləri həssas qruplara qayğı xidmətlərinin bərpasına, dolanışıq vasitələrinin və kommersiya fəaliyyətlərinin canlandırılmasına, bələdiyyələr tərəfindən tullantıların və zəlzələ tullantılarının daha yaxşı idarə olunmasına və nəsli kəsilməkdə olan mədəni irsin qorunmasına və bərpasına yönəlmiş 50 milyon dollarlıq proqramın bir hissəsidir.

Xatırladaq ki, 2023-cü il fevralın 6-da Türkiyədə səhər saatlarında 7.7 və 7.6 bal gücündə iki zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub. Zəlzələ nəticəsində ölənlərin sayı 50 min 783-ə çatıb.

Aytac Süleymanova

Twitter: a_alieva_