BAKI,
AzerVoice
"Türkiyə Əsri gənclərin çiyinlərində yüksələcək."
AzerVoice xəbər verir ki, Türkiyə
Milli İstihbarat Təşkilatının (MİT) direktoru İbrahim Kalın 19 May
– Atatürkü Anma, Gənclik və İdman Bayramı münasibətilə yayımladığı
mesajda gənclərə xitab edib.
O, "Terrorsuz Türkiyə" hədəfi ilə gənclərə sülh, əmin-amanlıq və
qardaşlıq içində bir ölkə buraxmaq istədiklərini bildirib.
Kalın vurğulayıb ki, Gazi Mustafa Kamal Atatürkün 1919-cu il mayın 19-da Samsuna enərək başlatdığı mübarizə türk millətinin birlik və qurtuluş ruhunu əks etdirir. Bu ruhun bu gün də gənclərin iman, əxlaq, bilik və cəsarəti ilə yaşadığını qeyd edib.
“Millətimizin gələcəyini formalaşdıracaq Türkiyə Əsri sizin çiyinlərinizdə yüksələcək, xəyallarınızla gerçəkləşəcək. 19 May ruhu ilə birlikdə yeni bir dünya quracağıq,” – deyə Kalın mesajında bildirib.
Qeyd edək ki, 19 May Türkiyədə həm Atatürkü anma, həm də gəncliyin və idmanın bayramı kimi qeyd olunur. Kalın mesajında Atatürk və silahdaşlarını, eləcə də bütün şəhid və qaziləri ehtiramla andığını, gəncləri və milləti bayram münasibətilə təbrik etdiyini də bildirib.
