BAKI, AzerVoice
Livan xalqı uzunmüddətli münaqişələrdən və müharibələrdən yorulub, buna görə də diplomatik həll yolları əsas prioritetə çevrilməlidir.
AzerVoice xəbər verir ki, bu barədə Livan Prezidenti Cozef Aun Livanın İqtisadi, Sosial və Ekoloji Şurasına səfəri zamanı çıxış edərkən deyib.
Aun-un sözlərinə görə, diplomatiya dərhal nəticə verməsə də, Livan beynəlxalq tərəfdaşlarla birgə səylərini davam etdirir.
“Media diqqətindən uzaqda, hər gün məqsədimizə çatmaq üçün çalışırıq” – deyə Aun vurğulayıb.
O, həmçinin Şura üzvlərinə müraciət edərək onların hüquq və məsləhət funksiyalarını qoruyub saxlamalarını, bu sahədə güzəştə getməmələrini tövsiyə edib.
Qeyd edək ki, İsrailin ötən il Livana qarşı keçirdiyi hərbi əməliyyatlar 27 noyabr 2023-cü il tarixində əldə olunan atəşkəslə dayandırılsa da, Livan tərəfi bildirir ki, İsrail bu razılaşmaya əməl etmir.
