BAKI, AzerVoice

Hakan Fidan İstanbul Böyükşəhər Bələdiyyəsinin sədri Əkrəm İmamoğlunun məhkəməsi ilə bağlı Fransadan Türkiyəyə ünvanlanan tənqidlərə cavab verib.

Hakan Fidan Fransalı həmkarı ilə regional məsələləri müzakirə edib

AzerVoice xəbər verir ki, Fransada Le Pen, Rumıniyada isə Kalin Georgescu davalarına toxunan Fidan ikili standartların tətbiqinin yanlış olduğunu bildirib. Fidan bildirib ki, Fransa və Rumıniyada olduğu kimi məhkəmə proseslərini gözləmək lazımdır.

Parisdə Fransanın Avropa və Xarici İşlər naziri Jean-Noel Barrot ilə görüşən Fidan Türkiyə-Avropa İttifaqı əlaqələrinə süni maneələrin aradan qaldırılması və AB-nin konkret addımlar atması ilə bağlı Fransadan gözləntilərini dilə gətirib. Türkiyənin Rusiya-Ukrayna müharibəsinin sona çatması üçün verdiyi dəstəyi təkrarlayan və İsrailin artan hücumlarının bölgədə qeyri-sabitliyə səbəb ola biləcəyinə işarə edən Fidan, Suriyada yeni administrasiya ilə əlaqələrin artırılmasının əhəmiyyətinə diqqət çəkib.

Belçikada keçirilən NATO toplantısı çərçivəsində ABŞ dövlət katibi Marko Rubio (solda) ilə görüşdükdən sonra xarici işlər naziri Fidan Yunanıstanın xarici işlər naziri Corc Gerapetritis ilə də görüşüb.

Qeyd edək ki, martın 23-də Cumhuriyyət Xalq Partiyasının (CHP) üzvü, İstanbul Böyükşəhər Bələdiyyə sədri Əkrəm İmamoğlu, cinayət təşkilatı qurma, qəsb, rüşvət, dələduzluq, çirkli pulların yuyulması, terror qruplaşmaları ilə əməkdaşlıq və korrupsiya ittihamları ilə həbs edilib. Bunun üzərinə CHP hökümətə qarşı etiraz aksiyalarına başlayıb.