BAKI,AzerVoice, Orxan Qədirzadə
Livan Prezidenti Cozef Aun bildirib ki, İsraillə aparılan birbaşa danışıqların növbəti raundu 19 dekabr 2025-ci ildə keçiriləcək. Prezident ilk mərhələ üzrə reaksiyaları “müsbət” kimi qiymətləndirib.
AzerVoice-un məlumatına görə, bu barədə açıqlamanı nazir Paul Morkos Nazirlər Kabinetinin iclasından sonra verib.
Nazirin sözlərinə görə, Prezident Aun ilk görüşün yüksək nəticə verməməsinin təbii olduğunu, lakin prosesin davamı üçün əsas yaratdığını bildirib.
“İlk sessiya məhsuldar olmasa da, qarşıdakı görüşlər üçün yol açdı. Danışıqlar 19 dekabrda davam etdiriləcək,” – deyə Aun vurğulayıb.
Qeyd edilib ki, Livan və İsrailin mülki nümayəndələri arasında bu həftə keçirilən birbaşa təmasların məqsədi regionda “ikinci bir müharibənin qarşısını almaq”dır.