BAKI, AzerVoice, Nailə Babazadə

İsrailin Baş naziri Benyamin Netanyahu yenidən Tel-Əviv Mərkəzi Məhkəməsi qarşısına çıxıb. O, haqqında irəli sürülmüş korrupsiya ittihamlarına cavab verib, lakin proses zamanı “gizli zərf” aldıqdan sonra məhkəmə zalını 20 dəqiqəlik tərk edib.

AzerVoice xəbər verir ki, məlumata görə, istintaq bu dəfə Netanyahuya qarşı “4000-ci iş” üzrə suallar üzərində cəmləşib. Bu iş çərçivəsində Netanyahuya “Bezeq” telekommunikasiya şirkətinin və “Walla” xəbər portalının keçmiş sahibi Şaul Eloviçə media imtiyazları və tənzimləmə güzəştləri verməkdə, əvəzində özünə müsbət media dəstəyi almaqda ittiham olunur.

İsrailin “12-ci kanal”ı xəbər verir ki, Netanyahu iclas zamanı təxminən 20 dəqiqəlik fasilə istəyib və bu, ona təqdim edilən “detalları açıqlanmayan gizli zərf”lə əlaqəli olub.

Baş Nazir son iki il ərzində müxtəlif səbəblərlə – səfərlər, “təhlükəsizlik və siyasi zərurət”, həmçinin 8 oktyabr 2023-dən başlayaraq iki il davam edən Qəzza müharibəsinə rəhbərlik etməsi ilə bağlı – proseslərin ləğvi və ya qısaldılması üçün dəfələrlə müraciət etmişdi.

Bundan əvvəl də Netanyahu məhkəmənin gedişində “gizli mesajlar” aldığını bildirərək zalı tərk etməyə çalışmışdı.

Netanyahu korrupsiya davası, Netanyahu hearing, Netanyahu corruption trial, Case 4000 Netanyahu, Netanyahu secret envelope, Israeli PM court session, Shaul Elovitch investigation, Bezeq scandal Israel, Walla News Netanyahu deal, Israel politics corruption, Netanyahu legal troubles 2025, Tel Aviv court Netanyahu, Netanyahu case developments, Israel PM corruption allegations, Netanyahu judicial review