BAKI, AzerVoice, Nailə Babazadə
İsrail ordusu Kuneytra vilayətində yerləşən bir qəsəbəyə basqın təşkil edib. İsrail qüvvələri keçirilən əməliyyat zamanı 7 nəfəri həbs edib.
AzerVoice xəbər verir ki, Suriya dövlət xəbər agentliyi SANA, İsrail qüvvələrinin Suriyaya basqın təşkil etdiyini və 7 nəfəri saxladığını bildirib. İsrail ordusunun açıqlamasında isə “terror fəaliyyəti şübhəsi” ilə şəxslərin saxlandığı qeyd olunub.
İsrail ordusu isə yayımladığı bəyanatda, əsgərlərin “Suriyanın cənub bölgəsində terror fəaliyyəti ilə əlaqəsi olduğundan şübhələnilən bir neçə nəfəri” saxladıqlarını bildirib. Rəsmi şəxslər həbs edilənlərin İsrailə aparılaraq dindirildiyini açıqlayıb.