BAKI, AzerVoice, Səməd Əyyubov
Qəzzadakı atəşkəslə bağlı Qahirədə keçirilən son danışıqlar zamanı əhəmiyyətli irəliləyiş əldə olunub.
AzerVoice xəbər verir ki, bu barədə Misirin xarici işlər naziri Bədr Əbdül Ati rusiyalı həmkarı Sergey Lavrovla söhbəti zamanı məlumat verib.
Nazirin sözlərinə görə, Fələstin nümayəndə heyətinin iştirakı ilə Qahirədə aparılan məsləhətləşmələr nəticəsində ciddi irəliləyiş əldə olunub.
“HƏMAS, ABŞ prezidentinin xüsusi nümayəndəsi Stiven Uitkoffun təşəbbüsünə əsaslanan təklifi qəbul edib. İndi isə söz İsrail tərəfindədir” – deyə, Əbdül Ati vurğulayıb. Onun açıqlaması Misir Xarici İşlər Nazirliyinin yaydığı rəsmi press-relizdə yer alıb.
Qeyd edək ki, İsrailin 7 oktyabr 2023-cü ildən bəri Qəzza zolağına hücumları nəticəsində azı 62 min 64 fələstinli həlak olub, 156 min 573 nəfər yaralanıb və 2 milyon nəfərdən çox insan didərgin düşüb.
