BAKI, AzerVoice

İsrail ordusunun mühasirədə olan Qəzza zolağında bir evə endirdiyi hava hücumunda aralarında uşaqların da olduğu 8 fələstinlinin həlak olub, çoxlu sayda insanın yaralanıb.

AzerVoice xəbər verir ki, bu barədə Fələstinin rəsmi xəbər agentliyi WAFA məlumat yayıb. İsrail ordusu Qəzza şəhərinin Tel əl-Hava məhəlləsində əl-Şair ailəsinə məxsus evi bombaladığı bildirilib.

Hücum nəticəsində biri uşaq olmaqla 7 fələstinlinin həlak olduğu, bir hamilə qadın da daxil olmaqla çoxlu sayda insanın yaralandığı qeyd olunub.

Bölgədəki xəstəxana mənbələrindən verilən məlumata görə, İsrailin Qəzza şəhərindəki Əl-Şati Qaçqınlar Düşərgəsində məcburi köçkün fələstinlilərə məxsus çadıra hücumu nəticəsində 1 qız ölüb, 11 nəfər yaralanıb.

İsrail ordusu gecə boyu artilleriya atəşi və hava hücumları ilə Qəzza zolağının həm mərkəzi, həm də cənubunda çoxsaylı əraziləri hədəfə alıb.

Qeyd edək ki, 7 oktyabr 2023-cü ildən bəri İsrailin Qəzza zolağına hücumları nəticəsində ən azı 59 029 fələstinli həlak olub, 142 135 nəfər yaralanıb.