8
BAKI, AzerVoice
Bu gün Tehranın İnqilab meydanında İran hökumətinə dəstək məqsədilə genişmiqyaslı aksiya keçirilib.
AzerVoice xəbər verir ki, İran KİV-lərinin məlumatına görə, aksiya iştirakçıları İsrail və ABŞ-nin son günlərdə İran əleyhinə həyata keçirdiyi hücumları sərt şəkildə qınayıblar.
Meydana toplaşan minlərlə vətəndaş İranın suverenliyini müdafiə edən şüarlar səsləndirib və ölkənin milli maraqlarının qorunmasında hökumətin mövqeyinə dəstək ifadə ediblər.
Aksiyada İran Prezidenti Məsud Pezeşkian və bir sıra yüksək səviyyəli hökumət rəsmiləri də iştirak ediblər. Onlar çıxış edərək, İran xalqının birliyi və müqavimət ruhunun hücumlara qarşı ən güclü cavab olduğunu bildiriblər.
