BAKI, AzerVoice
Bəhreyn əvvəllər də Rusiya və Ukrayna arasında sülh danışıqları üçün vasitəçilik təklif edib və bu təklif hələ də qüvvədədir.
AzerVoice xəbər verir ki, bunu Bəhreynin Milli Təhlükəsizlik üzrə müşaviri və Kral Qvardiyasının komandanı şahzadə Nasir bin Həməd Əl-Xəlifə Sankt-Peterburq Beynəlxalq İqtisadi Forumunun plenar sessiyasında çıxışı zamanı deyib.
“Şübhəsiz ki, Bəhreyn Krallığı özünü yalnız Rusiyanın dostu deyil, eyni zamanda dünyanın bütün ölkələrinin dostu hesab edir. Dəfələrlə qeyd etdiyim kimi, biz özümüzü münaqişə tərəfləri arasında bir körpü kimi görürük” - deyə, o bildirib.
Nasir bin Həməd Əl-Xəlifə Rusiya prezidenti Vladimir Putinə müraciət edib:
“Cənab Prezident, siz şübhəsiz xatırlayırsınız ki, biz bu təşəbbüslə çıxış etmişik və bildirmişik ki, Bəhreyn hər zaman sülh danışıqlarını qəbul etməyə açıqdır. Bu danışıqlar nə zaman baş tutarsa, biz onlara ev sahibliyi etməyə hər zaman hazırıq.”
