BAKI, AzerVoice
Səudiyyə Ərəbistanı və İordaniya, iyun ayında keçirilməsi planlaşdırılan və Fələstin məsələsinin nizamlanmasına yönəlmiş beynəlxalq konfransa görülən hazırlıqları müzakirə ediblər.
AzerVoice xəbər verir ki, bu barədə Səudiyyə Ərəbistanının xarici işlər nazirliyi məlumat verib.
Məlumata əsasən, konfransa Səudiyyə Ərəbistanı və Fransa birgə sədrlik edəcək.
Qeyd edək ki, Səudiyyə Ərəbistanının xarici işlər naziri şahzadə Faysal bin Fərhan bin Abdullahın bu gün Ər-Riyadda İordaniyanın baş nazir müavini Əymən əs-Səfədini qəbul edib.
Görüş zamanı iki ölkə arasındakı münasibətlər və onların müxtəlif sahələrdə inkişaf etdirilməsi müzakirə edilib. Həmçinin, regional və beynəlxalq səviyyədəki son hadisələr, o cümlədən Fələstin məsələsi və Qəzza zolağındakı vəziyyət, eləcə də bu məsələ ilə bağlı Ərəb-İslam fövqəladə zirvəsinin yaratdığı nazirlər komitəsinin səyləri müzakirə olunub.
