Bakı,AzerVoice
İsrail polisinin girovların dəyişdirilməsi və erkən seçkilərin keçirilməsi tələbi ilə keçirilən etiraz aksiyalarına müdaxiləsindən sonra keçmiş baş nazir Ehud Barak baş nazir Netanyahu hökuməti istefa edənə qədər, etirazların və İsrail parlamenti Knessetin mühasirəyə götürülməsini istəyib.
AzerVoice xəbər verir ki, Barak eyni zamanda onu da qeyd edib ki, İsrail HƏMAS-la mübarizə apardığı üçün deyil, Netanyahu hökumətinin hakimiyyətdə olması səbəbindən tarixinin ən təhlükəli vəziyyəti ilə üzləşib.
İsraildə Netenyahu əleyhinə kütləvi nümayişlər keçirilib
“O, (Netanyahu)müharibəni avantürist şəkildə aparan, şəxsi mənafeyini dövlət mənafeyindən üstün tutan, nəyin bahasına olursa-olsun hakimiyyəti əldə saxlamaq istəyən təhlükəli adamdır”-deyə o qeyd edib.
İsraildəki bəzi əsgərlər Netanyahu ilə görüşməkdən imtina ediblər
Barak ictimaiyyətə xitabən 3 həftə ərzində ölkədə iqtisadi həyatın iflic olacağı hərtərəfli vətəndaş itaətsizliyi aksiyalarına və təzyiq vasitəsi kimi 30-40 min insanın gecə-gündüz Knesset binasını mühasirəyə göndərilməsini istəyib.
Qeyd edək ki, İsrailin 7 oktyabrdan bəri Qəzza zolağına təşkil etdiyi hücumlarda ən az 12 min 660-ı uşaq, 8 min 570-i qadın olmaqla, 30 min fələstinli həlak olub, 70 min nəfər isə yaralanıb.
Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.
İsrailin mülki şəxslərə qarşı cinayətləri ortaya çıxır
Qəzzada 1,9 milyon fələstinli havadan, qurudan və dənizdən edilən hücumlar səbəbilə didərgin düşüb.
İsrailin maneələri səbəbindən bölgəyə kifayət qədər yardım çatdırıla bilmir. Fələstinlilər bir tərəfdən İsrailin hücumları ilə, digər tərəfdən isə hər gün dərinləşən aclıqla mübarizə aparır.
