Əsas səhifə » Vatikan Rusiya və Ukrayna arasında danışıqlara hazırdır - Papa XIV Leo

Vatikan Rusiya və Ukrayna arasında danışıqlara hazırdır - Papa XIV Leo

BAKI, AzerVoice

Papa növbəti dəfə Rusiya və Ukrayna arasında danışıqlar üçün Vatikanı təklif edib.

AzerVoice xəbər verir ki, Roma Papası XIV Leo, Ukrayna Prezidenti Vladimir Zelenskiyə Vatikanın Rusiya ilə Ukrayna arasında sülh danışıqlarına ev sahibliyi etməyə hazır olduğunu bir daha bəyan edib.

Müqəddəs Taxt-Tac Katibliyinin yaydığı məlumatda bildirilir ki, Papa Vatikanın hər iki tərəfin nümayəndələrini qəbul etməyə və münaqişənin diplomatik yolla həlli üçün şərait yaratmağa hazır olduğunu təsdiqləyib.

Qeyd edək ki, bu, XIV Leonun Vatikanda sülh danışıqları təşəbbüsünü irəli sürdüyü ilk hal deyil. Daha əvvəl Avropa ölkələrinin bir neçəsi bu təşəbbüsə müsbət yanaşdıqlarını bildirsələr də, Rusiya Xarici İşlər naziri Sergey Lavrov Vatikanı “katolik platforması” kimi qiymətləndirərək, onun neytral danışıqlar məkanı kimi uyğun olmadığını vurğulamışdı.

Digər Kateqoriyalar

2025 © Azervoice