BAKI,AzerVoice, Fərid Mikayılov
Ukrayna Prezidenti Volodimir Zelenski bəyan edib ki, Ukrayna Viktor Orbanla və ya onsuz Avropa İttifaqının üzvü olacaq.
AzerVoice xəbər verir ki, Zelenskinin sözlərinə görə, Macarıstanın Baş naziri Viktor Orban Ukraynanın Avropa İttifaqına daxil olma prosesini ləngidən yeganə lider kimi tarixə düşəcək.
“Ya prosedur dəyişməlidir — bu halda biz mütləq Niderland və digər ölkələrə müraciət edəcəyik, çünki bu məsələ onların da dəstəyini tələb edir. Yaxud da mövcud prosedura əsasən hər bir ölkə Macarıstanın baş nazirinə təzyiq göstərməlidir” — deyə Zelenski vurğulayıb.
Qeyd edək ki, bundan öncə Niderland Ukraynanın Avropa İttifaqına Macarıstanı kənarda qoyaraq qəbul edilməsinə qarşı çıxmışdı.
Niderlandın Baş naziri Dik Sxof bildirib ki, çıxış yolu tapmaq vacibdir, lakin bu, Aİ-də qərarların yekdilliklə qəbul edilməsini pozmaqla olmamalıdır.