BAKI, AzerVoice, Fərid Mikayılov
Milliyyətçi Hərəkat Partiyasının (MHP) sədri Devlet Bahçeli, Misirdə keçirilən Qəzza sammitinə münasibət bildirərək, İsrailin törətdiyi soyqırım cəzasız qalmayacağını və Qəzzalı şəhidlərin qanının yerdə qalmayacağını vurğulayıb.
AzerVoice xəbər verir ki, bu sözləri Milliyyətçi Hərəkat Partiyasının (MHP) sədri Devlet Bahçeli lideri Türkiyə Böyük Millət Məclisi iclasında çıxışında deyib.
“İsrail baş naziri və soyqırım törədən vandallar qlobal ədalət qarşısında cavab verməlidirlər. 7 oktyabr 2023-dən bu günə qədər tarixdə görünməmiş faciəvi və dəhşətli bir soyqırım İsrail tərəfindən həyata keçirilib”- deyə Bahçeli qeyd edib.
Bahçeli Qəzzada 9 oktyabr 2025-də baş verən hadisələrdən sonra tərəflər arasında əldə olunan atəşkəs razılaşmasını alqışlayaraq bildirib ki, 10 oktyabrdan etibarən atəşkəs rejimi rəsmi qüvvəyə minib.
Bu çərçivədə əsir mübadiləsi, humanitar yardımların bərpası və İsrail ordusunun mərhələli şəkildə geri çəkilməsi istiqamətində müsbət irəliləyişlər əldə olunub.
Bahçeli İsrailin törətdiyi dağıntıların miqyasına toxunaraq bildirib ki, Qəzza 356 kvadratkilometrlik bir xarabalığa çevrilib, on minlərlə günahsız insan həyatını itirib.
“Bu qədər qan, göz yaşı və fəlakətdən sonra soyqırımda payı olanlar ədalət qarşısında cavab verməlidirlər. İsrail ordusunun geri çəkilməsi və atəşkəsin təmin olunması ilə minlərlə fələstinli ehtiyatla da olsa evlərinə qayıtmağa başlayıb”- deyə o bildirib.
O, həmçinin vurğulayıb ki, Türkiyə və bölgə ölkələrinin təşəbbüsü ilə beynəlxalq müşahidə və sabitlik qüvvəsi yaradılarsa, bu, regionda sabitliyə və humanitar təhlükəsizliyə ciddi töhfə verəcək.
MHP sədri çıxışının sonunda Türkiyənin bölgədə və beynəlxalq aləmdə ədalətli və ağıllı vasitəçi rolunu möhkəmləndirdiyini qeyd edib.