BAKI,AzerVoice
İsrailin baş naziri Benyamin Netanyahu, ölkəsinin İrana qarşı həyata keçirdiyi hava zərbələrinin ardından naməlum bir yerə aparılıb.
AzerVoice xəbər verirr ki, İsrail mediasının məlumatına görə, Netanyahu Yunanıstana getmiş ola bilər.
İsrailin bir neçə xəbər kanalı, baş nazirə məxsus təyyarənin iki hərbi qırıcı tərəfindən müşayiət olunduğu görüntüləri yayımlayıb. Daha sonra bir telekanal bu təyyarənin Afina hava limanına endiyini bildirib.
İran Silahlı Qüvvələrinin məlumatına görə, ölkə rəhbərliyi sərt və həlledici cavab hazırlıqları görür. Hərbi rəhbərlik hadisəyə "terror hücumu" kimi baxır və cavab zərbələrinin vaxtı və forması barədə məlumat verilməyib.
Hazırda bölgədə hərbi və diplomatik gərginlik kritik həddə çatıb. İsrail baş nazirinin ölkədən çıxarılması isə təhlükəsizlik baxımından ciddi addım kimi qiymətləndirilir.
Qeyd edək ki,bugün səhər saatlarında İsrail Hərbi Hava Qüvvələri İranın paytaxtı Tehran, Təbriz, İsfahandakı Natanz nüvə obyektləri, Luristan və Kirmanşah şəhərlərinə hava hücumları təşkil edib.
Hücum nəticəsində İran Silahlı Qüvvələrinin Baş Qərargah rəisi general Məhəmməd Baqeri, SEPAH baş komandanı Hüseyn Salami və 6 nüvə alimi həlak olub. Eyni zamanda, mülki obyektlərin də hədəf alındığı bildirilir.
