BAKI, AzerVoice
İsrail ordusunun İndoneziya xəstəxanasını mühasirəyə alması nəticəsində, Şimali Qəzza bölgəsindəki bütün dövlət xəstəxanaları xidmətdən çıxıb.
AzerVoice xəbər verir ki, bi barədə Qəzzanın Səhiyyə Nazirliyi açıqlama verib.
“İsrail qüvvələrinin İndoneziya xəstəxanasını və ətrafını intensiv mühasirəyə alması, xəstələrin, tibbi heyətin və tibbi ləvazimatların xəstəxanaya çatmasının qarşısını alması nəticəsində, bu xəstəxana fəaliyyətini dayandırıb. Şimali Qəzza bölgəsindəki bütün dövlət xəstəxanaları artıq xidmətdən çıxıb” - deyə, açıqlamada bildirilib.
Digər tərəfdən, Səhiyyə Nazirliyi İsrailin 2023-cü ilin oktyabr ayından bəri Qəzzaya etdiyi hücumlarda ölənlərin sayının 53 min 339 nəfərə yüksəldiyini bildirib.
Nazirlik son sutka ərzində İsrailin hücumları nəticəsində 67 nəfərin həlak olduğunu, 361 nəfərin isə yaralandığını və onların Qəzza zolağındakı xəstəxanalara çatdırıldığını əlavə edib.
