İslami Müqavimət Hərəkatının ( HƏMAS ) hərbi qanadı olan Əl-Qəssam Briqadaları cümə günü əsir götürülmüş üç qadın əsgərin video çarxını dərc edərək , İsrail hökumətindən Qəzza zolağında müharibəni dayandırmağı və onları evlərinə qaytarmağı tələb edib.
AzerVoice xəbər verir ki, üç qadın məhbus (Karina, Daniel Gilboa və Doron) İsrailin baş naziri Benyamin Netanyahudan HƏMAS ilə mübadilə sazişi bağlamağı tələb edib.
"İsrail hökuməti yəhudi xalqına yalan danışır. Sağ qayıtmaq üçün hər şeyi edin"-deyə əsirlər bildirib.
Qadın məhbuslar İsrailin davamlı bombardmanları altında Qəzzada yaşadıqları şəraitdən, İsrail ordusunun əli ilə ölümdən xilas olmaq üçün bir yerdən başqa yerə köçdüklərindən danışıblar.
