BAKI,AzerVoice

Avropanı bürüyən 2025-ci ilin ilk isti hava dalğası fonunda gecələr yuxusuzluqdan əziyyət çəkənlər üçün alimlər maraqlı və effektiv bir üsul təklif edir.

Yuxu mütəxəssisi professor Eüs van Someren-in sözlərinə görə, ayaqların isti olması beyinə “yatmaq vaxtıdır” mesajı göndərir. Araşdırmalar göstərir ki, yuxudan əvvəl corab geyinmək insanın daha tez yuxuya getməsinə, yuxunun keyfiyyətinin artmasına və gecə ərzində oyanma hallarının azalmasına səbəb olur.

Normal şəraitdə bədən yuxuya getməzdən əvvəl damarların genişlənməsi yolu ilə istiliyi xaricə verərək soyumağa başlayır. Corabla yatmaq bu prosesi “təqlid edir” və nəticədə bədənin daxili temperaturu enir, beyinə isə yuxuya hazırlaşma siqnalı göndərilir.

2018-ci ildə aparılan tədqiqat nəticələrinə əsasən, otaq temperaturu 23 dərəcə olduğu halda çorab geyinən insanlar ortalama 7,5 dəqiqə daha tez yuxuya gedir, gecə ərzində isə 7 dəfə az oyanır.

Yuxu mütəxəssisi Dr. Maykl Qradisar qeyd edir ki, bu metod xüsusilə Raynaud sindromu və qan dövranı zəif olan şəxslər üçün daha çox faydalıdır.

Metoddan necə düzgün istifadə etməli?

• Yatmazdan təxminən 1 saat əvvəl ayaqları isindirmək daxili temperaturun vaxtında azalmasına yardım edir
• Nəfəs alan və təbii materiallardan hazırlanan coraplar seçilməlidir
• Gecənin ortasında corabı çıxarmaq məsləhətdir
• Əgər corabla yatmaq narahatlıq yaradırsa, isti duş və ya ayaq vannası da alternativ ola bilər

Dr. Qradisar əlavə edir ki, otaq sərin, ayaqlar isə isti olduqda yuxu üçün ən ideal şərait yaranır.

Mütəxəssislər xəbərdarlıq edirlər ki, çox sıx corab geyinmək qan dövranını poza bilər. Yaxşı yuxu üçün həm bədənə, həm də beyinə uyğun şəraitin yaradılması olduqca vacibdir.