BAKI,AzerVoice, Fərid Mikayılov

İngiltərədə aparılan yeni araşdırma, restoran və kafelərin menyularına əlavə edilən kalori etiketlərinin obezliklə mübarizədə nəzərdə tutulduğu qədər effektiv olmadığını ortaya qoyub.

2022-ci ildə İngiltərə böyük restoranlar, kafe və fast food şəbəkələrinin menyularında kalori etiketlərini göstərmələrini məcburi etmişdi. Məqsəd, istehlakçıları daha sağlam seçimlərə yönəltmək idi.

BMJ Public Health jurnalında dərc olunan tədqiqat nəticələrinə görə, tətbiq olunan siyasətdən sonra menyulardakı kalori miqdarı yalnız orta hesabla 2 faiz azalıb. Araşdırma qrupu bunun “nüfuz sağlamlığı üzərində məhdud və az təsir” göstərdiyini vurğulayıb.

Tədqiqatçılar bildiriblər ki, restoran və kafe menyularında kalori etiketləri, bəzi yüksək kalorili məhsulların çıxarılması və aşağı kalorili alternativlərin əlavə edilməsi ilə bəzi fərqliliklər yaratsa da, ümumi baxımda nəzərəçarpacaq təsir yaratmayıb. Xüsusilə alkolsüz içkilər, qazsız içkilər və burgerlərdə kalori azalmaları müşahidə olunub.

Spor və əyləncə mərkəzlərində menyu dəyişiklikləri nəticəsində kalori miqdarı orta hesabla 13,5 faiz , publarda 9 faiz, restoranlarda isə 5 faiz azalıb.

Araşdırmanın nəticələri göstərir ki, kalori etiketləri siyasəti, istehsalçıları tərkiblərini dəyişməyə və şəkər miqdarını azaltmağa təşviq edən vergi tədbirləri kimi ciddi təsir yaratmır.