BAKI,AzerVoice
Aamon (Amon adı ilə də tanınır) demonologiyada Cəhənnəmin Böyük Markizi hesab olunur, 40 cəhənnəm legionuna hökm edir və Goetiya sistemində yeddinci ruhdur. O, həyat və nəsilartımı ilə əlaqələndirilən demon kimi təsvir edilir. Aamon və Amon adlarının mənşəyi ya Liviyanın Siva vahəsində sitayiş edilən bərbər (amaziq) tanrısı Amun, ya da Kartacanın punik tanrısı Baal Hammon ilə əlaqələndirilir.
Onun təsviri olduqca simvolik və qorxuducudur. Belə ki, batin inanclarda yer alan Aamon canavar üzlü, ilan quyruqlu, ağzından alov püskürən varlıq kimi təsvir olunur.
İnsan surətinə girdikdə isə yalnız insan bədəni olur, lakin başı bayquşu xatırladır və dimdiyində iti it dişlərinə bənzər dişlər görünür. Demonlar arasında ən güclü və qüdrətli knyazlardan biri sayılır.
Aamon keçmişi və gələcəyi bildiyi, istədiyi zaman düşmənləri barışdırdığı, dostları uzlaşdırdığı və sevgi axtaranlara məhəbbət bəxş etdiyi ilə tanınır. Bu təsvir Jak Kollin de Plansinin məşhur “Dictionnaire Infernal” əsərində yer alır.
Misirlilər Amonu (və ya Amounu) ali tanrı kimi qəbul etmiş, onu mavi dərili, insanabənzər formada təsvir etmişlər.
Aamon haqqında ilk sistemli qeydlərdən biri İohan Veyerin 1583-cü ildə yazdığı “Pseudomonarchia Daemonum” əsərində yer alır. Burada Aamon belə təsvir edilir:
“Amon və ya Aamon böyük və qüdrətli şahzadədir. Canavar surətində, ilan quyruqlu və alov püskürən halda zahir olur. İnsan formasında isə it dişləri və gecə quşuna bənzər böyük başla görünür. O, keçmişi və gələcəyi bilir, dostlarla düşmənləri barışdırır və 40 legion demon üzərində hökmranlıq edir.”
Daha sonra S. L. MacGregor Mathers “Süleymanın Kiçik Açarı” (Goetiya) adlı əsərində Aamonu yeddinci ruh kimi təqdim edir və onun sərt, güclü və qorxulu mahiyyətini vurğulayır.
Bu mənbəyə görə, Aamon sehrbazların əmri ilə müxtəlif formalarda zahir ola bilər və mübahisələr yarada, eləcə də onları həll edə bilir.
The Lesser Key of Solomonun Harley əlyazmasına əsasən, Aamon sehrbazlara dənizdə boğulan insanların ruhlarını çağırmaq və onlarla danışmaq qabiliyyəti də verə bilir.
Bəzi mənbələrdə Aamon Nahum adı ilə də çəkilir; bu ad “şövq və istək oyadan” mənasını verir.
Aamon demonologiyada tez-tez Misir tanrısı Amun ilə qarışdırılsa da, bu iki fiqur fərqli dini və mifoloji sistemlərə aiddir.