BAKI,AzerVoice
Fərz edilməsi vacib olan dini əmrlərdir. Quranda və mütəvatir
hədislərdə olan və heç bir şübhə doğurmayan Allahın buyruqlarıdır.
Bu söz Quranın bir-çox ayələrində (33: 38, 2: 197, 3: 60, 2: 236,
4:118) anılmışdır.
Termin kimi daha çox Hənəfi məzhəbində işlədilir. Məsələn,
müsəlmanın gündəlik beş vaxt namazının qılınması,
Ramazan ayında orucun tutulması fərzdir. Bunları edənlər Allah
qarşısında böyük savab qazandıqlarını, etməyənlərin isə Onun
mərhəmətindən uzaq qaldıqlarını iddia edirlər. Bilərəkdən Allahın
fərz buyurduqlarını tanımayanlar İslamdan çıxmış sayılırlar.
Hənəfi məzhəbində fərzlər ikidir: 1. Fərzül-Əyn – bu Ramazan ayında orucun tutulması, namazların qılınması kimi ibadətlərdir; 2. Fərzül-Kifayə – bu cənazə namazının qılınması, cihad kimi əməllərdir. Onları müsəlmanların hamısı deyil, yalnız bəziləri yerinə yetirməlidirlər.
Ərəb dilində FƏRZ kəliməsi məsdər olaraq "sərt bir şeyi kəsmək,
parçalamaq; bir şeyi müəyyənləşdirmək, dəqiqləşdirmək" kimi
mənaları verir.
İsim olaraq isə "müəyyən edilmiş, dəqiqləşdirilmiş şey, pay, nəsib"
mənasında istifadə olunur.
