BAKI,AzerVoice
Vaxtında qılınmayan namazların qəza edilməsi üçün müəyyən edilmiş xüsusi vaxt yoxdur. Kərahət vaxtları istisna olmaqla, qəza namazı hər zaman qılına bilər. Namaz qılınması qadağan olunan bu vaxtlar Üqbə ibn Amir tərəfindən rəvayət edilən hədisdə belə qeyd olunur:
“Rəsulullah (s.ə.s) bizə üç vaxtda namaz qılmağı və ölülərimizi dəfn etməyi qadağan etdi: Günəş doğduqdan sonra (bir və ya iki nizə boyu) yüksələnə qədər; Günəşin göydə tam ortada olduğu andan qərbə meyl edincəyə qədər; Günəş saralmağa başladığı andan batana qədər.”
Cümə azanından sonra dörd rükət cümənin ilk sünnəti qılınır. Ardınca isə cümənin fərzi olan xütbə oxunur. Bu ikisi arasında qəza namazı qılmaq mümkün deyil. Çünki imam xütbəyə başladıqdan sonra xütbəni dinləmək fərzdir və bu vaxtda namaz qılmaq olmaz.
Bundan əvvəl qılınan namazlar batil (səhvsiz) sayılmır, lakin imam xütbəyə başladıqda xütbəni dinləməyə diqqət etmək və qəza namazlarını kərahət vaxtlarından kənar zamanlarda qılmağa çalışmaq lazımdır.