BAKI, AzerVoice
BƏƏ və İsrail Qəzza zolağına təcili humanitar yardımın çatdırılması barədə razılığa gəlib.
AzerVoice xəbər verir ki, BƏƏ-nin
xarici işlər naziri Şeyx Abdullah bin Zayed Əl Nəhyan ilə İsrailin
xarici işlər naziri Gideon Saar arasında keçirilən telefon
danışığından sonra razılaşma əldə olunub.
Yardım çərçivəsində təxminən 15 min mülki vətəndaşın qida
ehtiyacları qarşılanacaq, eləcə də çörəkbişirmə müəssisələrinin
fəaliyyətinin davam etdirilməsi təmin ediləcək. Eyni zamanda,
körpələr üçün vacib tibbi və məişət ləvazimatları da təmin
olunacaq.
Əl Nəhyan fələstinlilərə humanitar və tibbi yardımın təhlükəsiz və
fasiləsiz şəkildə çatdırılmasının zəruriliyini vurğulayıb. Tərəflər
həmçinin humanitar atəşkəsin bərpası və girovların azad edilməsi
üçün regional və beynəlxalq səyləri də müzakirə ediblər.
Qeyd edək ki, razılıq İsrailin Qəzza zolağındakı blokadası fonunda əldə olunub və hazırda 93 yardım maşınının bölgəyə girişinə icazə verilib.
