BAKI, AzerVoice, Fərid Mikayılov

Qəzzada uşaqlar aclıqdan ölərkən, beynəlxalq sularda yardım daşıyan mülki gəmilərə hücum İsrail hökumətinin insanlıq cinayətlərini gizlətmək üçün hansı vəhşət içində olduğunu göstərir

AzerVoice xəbər verir ki, Ərdoğan, Qəzzaya humanitar yardım aparan Əzm Flotiliyasına İsrailin müdaxiləsini qınadı.

Ərdoğan əlavə edib ki, Türkiyə donanmadakı bütün iştirakçıların yanındadır və onların təhlükəsizliyi üçün bütün tədbirlər görülür.

“Çox ağır şərtlərdə həyat və ləyaqət mübarizəsi aparan fələstinli qardaşlarımızı sahibsiz qoymayacağıq. Ədalətli və qalıcı sülhün təmin olunması üçün çalışmağa davam edəcəyik”- deyə Ərdoğan bildirib.

Çıxışında partiyasının fəaliyyət yoluna da toxunan Ərdoğan, AK Partiyanın 2001-ci ildə yaradıldığını, amma köklərinin Malazgird, Söğüt, Çanaqqala kimi tarixi məkanlara dayandığını xatırladıb.

“Biz Səlcuqlu və Osmanlının mirasını, Cümhuriyyətin qazancları ilə birləşdirən siyasi kadroyuq. Bu birlik bir inanc, bir ideal birliyidir. Hamımız bu davada sadəcə birər əsgərik”- deyə o vurğulayıb.

Xatırladaq ki, 40-dan çox gəmidən ibarət və 500-ə yaxın iştirakçını əhatə edən Qlobal Əzm Donanması İsrailin Qəzza blokadasına qarşı ən böyük mülki müqavimət təşəbbüslərindən biri hesab olunur. Çərşənbə günü axşamı İsrail qüvvələri beynəlxalq sularda 13 gəmini ələ keçirərək 37 ölkədən 200-dən çox şəxsi saxlayıb. Hadisə dünya miqyasında etirazlara və diplomatik gərginliyə səbəb olub.