BAKI, AzerVoice, Səməd Əyyubov
İstanbulun Üsküdar rayonundakı kafe və restoranlar sentyabrın 12-də, cümə günü, gündəlik gəlirlərini Qəzzaya yardım məqsədilə ianə edəcəklər.
AzerVoice-un məlumatına görə, bu təşəbbüs bölgədə baş verən humanitar faciəyə diqqət çəkməyi hədəfləyir.
“Üsküdardan Qəzzaya ürəklər körpüsü” adlı kampaniya İnsan Haqları və Azadlıqları Fondu (İHH), “Sadakataşı” Dərnəyi, “Deniz Feneri” Dərnəyi və Aziz Mahmud Hüdayi Fondu tərəfindən dəstəklənərək davam etdirilir.
Qeyd edək ki, hazırda Qəzza zolağında vəziyyət gərgin olaraq qalır. İsrail ordusunun hücumları davam edir və bölgədə humanitar vəziyyət getdikcə ağırlaşır.