BAKI,AzerVoice, Fərid Mikayılov
İstanbul Başprokurorluğunun rəhbərliyi ilə həyata keçirilən antiterror əməliyyatı nəticəsində İŞİD silahlı terror təşkilatı ilə əlaqəli 19 nəfər saxlanılıb.
AzerVoice xəbər verir ki, münaqişə bölgələri ilə əlaqəsi olan və Türkiyə üçün təhlükə yaratdığı müəyyən edilən 10 xarici mənşəli terrorçu barəsində araşdırma aparılıb.
Eyni zamanda, İŞİD tərəfdarları ilə əlaqədə olan, təşkilata dəstək xarakterli sosial media paylaşımları edən, təbliğat fəaliyyətlərində iştirak edən və gizli rabitə tətbiqlərindən istifadə etdiyi müəyyən edilən 9 nəfər də aşkarlanıb.
Şübhəlilərin saxlanılması məqsədilə İstanbulun 12 rayonunda 21 ünvana eyni vaxtda əməliyyat keçirilib. Tədbirlər nəticəsində 19 nəfər saxlanılıb və istintaqa cəlb edilib.
Rəsmi qurumlar əməliyyatların davam etdirildiyini, saxlanılan şəxslərin ifadələrinin alındığını və hüquqi prosedurların başladığını açıqlayıblar.
