BAKI, AzerVoice, Fərid Mikayılov
İstanbulun Esenler və Bağcılar rayonlarında həyata keçirilən genişmiqyaslı əməliyyat zamanı polis əməkdaşları tərəfindən 750 min ədəd narkotik həb ələ keçirilib, 3 nəfər şübhəli saxlanılıb.
AzerVoice xəbər verir ki, bu barədə Türkiyənin Daxili İşlər naziri Ali Yerlikaya sosial media hesabından açıqlama verib.
Açıqlamada bildirib ki, əməliyyat zamanı hədəf olaraq 1 avtomobil və 4 ünvan müəyyənləşdirilib.
Axtarışlar zamanı 30 qutu içində ümumilikdə 750 min ədəd həblə bağlı sübutlar aşkarlanıb.
Nazirin sözlərinə görə, saxlanılan şübhəlilər “narkotik və psixotrop maddələrin istehsalı və satışı” ittihamı ilə məhkəməyə təhvil verilib.