BAKI, AzerVoice, Nərmin Ağayeva
Türkiyə Qəzzaya 101 min tondan çox humanitar yardım çatdırıb.
AzerVoice xəbər verir ki, Türkiyə Prezidenti Rəcəb Tayyib Ərdoğan “Dünya Humanitar Günü” münasibətilə etdiyi paylaşımda Türkiyənin Qəzzaya 101 min tondan çox humanitar yardım göndərdiyini və UNRWA-ya verdiyi dəstəyin 40 milyon dolları keçdiyini bildirib.
Ərdoğan vurğulayıb ki, humanitar yardım siyasətdən üstün vicdan işidir və Türkiyə milli məhsuluna görə dünyada ən səxavətli ölkələrdən biridir. O, həmçinin qeyd edib ki, ölkə köməyə ehtiyacı olan hər kəsə – məzlum, yetim, köməksiz və möhtaca – ayrım etmədən yardım əlini uzadır.
Qeyd edək ki, Prezident Ərdoğanın paylaşımında Türkiyənin humanitar diplomatiyası çərçivəsində Qəzzaya göndərilən yardımların əhatəsi və humanitar səylərin davam etdiriləcəyi vurğulanıb.
