BAKI, AzerVoice, Səməd Əyyubov – Qəzzada baş verən soyqırım sona çatana qədər mübarizəmis davam edəcək.
AzerVoice xəbər verir ki, bu sözləri Türkiyə Prezidenti Rəcəb Tayyib Ərdoğan Seneqal Prezidenti Usman Sonko ilə keçirdiyi birgə mətbuat konfransında deyib.
"Aclıqdan əziyyət çəkən o günahsız körpələrin çəkdiyi iztirablar qarşılıqsız qalmayacaq. Qəzzada insanları aclıqla sınağa çəkənlər, uşaqları ölümə məhkum edənlər gec-tez hüquq və tarix qarşısında cavab verməli olacaqlar. Qəzzada baş verən soyqırım sona çatmayınca və bu vəhşiliyə cavabdeh olanlar məhkəmə qarşısına çıxarılmayınca, mübarizəmiz davam edəcək" - deyə, Ərdoğan vurğulayıb.
Xatırladaq ki, martın 2-dən etibarən Qəzzaya beynəlxalq humanitar yardım daxil olmur. İsrailin qərarı ilə bölgəyə giriş-çıxışa nəzarət edən bütün keçid məntəqələri bağlanıb. Hazırda ərzaq yardımı yalnız İsrail və ABŞ-ın nəzarətindəki “Qəzza Humanitar Yardım Fondu” vasitəsilə paylanır.
Mart ayında isə İsrail ordusu atəşkəsi pozaraq Qəzzada hərbi əməliyyatlara yenidən başlayıb. Qətər, Misir və ABŞ-ın vasitəçiliyi ilə aparılan danışıqlarda hələlik yeni atəşkəs razılaşmasına nail olunmayıb.
