BAKI, AzerVoice
Türkiyənin 72 şəhəində keçirilən genişmiqyaslı əməliyyatlar zamanı 1933 şübhəli saxlanılıb.
AzerVoice xəbər verir ki, Daxili İşlər
Naziri Ali Yerlikaya son iki həftədə narkotik vasitələrin qanunsuz
dövriyyəsinə qarşı aparılan əməliyyatlarla bağlı açıqlama
verib.
Onun sözlərinə görə, Təhlükəsizlik Baş İdarəsinin Narkotik
Cinayətlərlə Mübarizə İdarəsinin koordinasiyasında keçirilən
tədbirlər nəticəsində 927 kiloqram narkotik vasitə və 1 milyon 296
min ədəd narkotik tərkibli həb müsadirə olunub.
Əməliyyatlar Bursa, Adana, Qaziantep, İzmir, İstanbul və Ankara da daxil olmaqla 72 vilayətdə həyata keçirilib. Nazir bildirib ki, tədbirlərdə 3 min 720 qrup, 6 min 130 nəfərlik şəxsi heyət, 21 hava nəqliyyatı vasitəsi və 62 narkotik detektor iti iştirak edib.
Nazir Yerlikaya əməliyyatların uğurlu keçirilməsində əməyi olan bütün qurumlara təşəkkür edərək qeyd edib: “Qubernatorlarımızı, Respublika Baş Prokurorluğumuzu, Milli Təhlükəsizlik Baş İdarəmizi, Narkotik Cinayətlərlə Mübarizə İdarəmizi və ərazi polis rəislərimizi təbrik edirəm. Narkotiklərlə mübarizə təkcə təhlükəsizlik məsələsi deyil, həm də gələcəyimizin qorunması üçün zəruri addımdır”.
Qeyd edək ki, Türkiyə hökuməti son illərdə narkotiklərlə mübarizəyə prioritet sahə kimi yanaşır və mütəmadi olaraq genişmiqyaslı əməliyyatlar həyata keçirir.
