BAKI, AzerVoice
AJet avqustun 2-dən Hələb istiqamətində uçuşlara başlayır.
AzerVoice xəbər verir ki, Türkiyənin
AJet hava yolu şirkəti Suriyanın tarixi və mədəniyyət
mərkəzlərindən biri olan Hələbə aviareyslərə start verir.
AJet bu ilin iyulunda paytaxt Dəməşqə həyata keçirdiyi ilk uçuşdan
sonra uçuş şəbəkəsini genişləndirərək Yaxın Şərqin daha bir önəmli
şəhərini marşrutlarına əlavə edib.
Avqustun 2-dən etibarən İstanbul Sabiha Gökçen Hava Limanı ilə Hələb Hava Limanı arasında uçuşlar həyata keçiriləcək. Reyslər həftədə dörd gün təşkil olunacaq. Gediş-gəliş üçün biletlər artıq 149 dollardan başlayan qiymətlərlə satışa çıxarılıb. Sərnişinlər biletləri AJet-in rəsmi saytı, mobil tətbiqi, zəng mərkəzi və rəsmi satış agentliklərindən əldə edə bilərlər.
Qeyd edək ki, Hələb marşrutunun əlavə olunması ilə AJet-in beynəlxalq uçuş sayı 60-a, ümumi marşrut sayı isə 101-ə yüksəlib. Şirkət bununla həm daxili, həm də xarici istiqamətlərdə uçuş imkanlarını əhəmiyyətli dərəcədə artırmış olur.
