BAKI, AzerVoice
IDEF 2025-də yeni nəsil strateji raket texnologiyaları təqdim olunacaq.
AzerVoice xəbər verir ki, Türkiyənin müdafiə sənayesi nəhəngi Roketsan, 22-27 iyul tarixlərində keçiriləcək IDEF 2025 sərgisində ballistik və qanadlı raketlərlə yanaşı, hava hücumundan müdafiə sistemlərini təqdim etməyə hazırlaşır.
Roketsan baş direktoru Murat İkinci bildirib ki, sərgi, Türkiyənin müdafiə sənayesindəki innovativ imkanlarını beynəlxalq platformada nümayiş etdirmək baxımından böyük əhəmiyyət daşıyır. Onun sözlərinə görə, bu il Roketsan IDEF-də 6 yeni məhsul təqdim edəcək və həmin sistemlər texnoloji üstünlükləri ilə dünya analoqlarından fərqlənəcək.
O, həmçinin vurğulayıb ki, “dost və qardaş ölkələrlə ortaq böyümə” şirkətin əsas inkişaf strategiyalarından biridir və sərgi çərçivəsində bu istiqamətdə bir sıra yeni müqavilələrin imzalanması planlaşdırılır.
Qeyd edək ki, Roketsan IDEF 2025 sərgisində ballistik raketlər, qanadlı raketlər, hava-hava raketləri və müdafiə sistemləri ilə beynəlxalq əməkdaşlığa yeni mərhələ əlavə etməyi hədəfləyir.
