BAKI, AzerVoice
Türkiyə ilə ABŞ arasında Suriya məsələləri üzrə əməkdaşlıq çərçivəsində formalaşdırılan Suriya İşçi Qrupunun növbəti görüşü sabah ABŞ-ın paytaxtı Vaşinqtonda keçiriləcək.
AzerVoice xəbər verir ki, iki ölkə arasında təhlükəsizlik, humanitar vəziyyət, ərazi bütövlüyü və siyasi keçid məsələlərini əhatə edən görüşdə, Suriyada sabitliyin təmin olunması, ekstremizmə qarşı mübarizə və qaçqınların geri dönüşü kimi mövzuların gündəmdə olması gözlənilir.
Toplantıda həmçinin Suriyanın şimalında son dövrlərdə baş verən hadisələr, PKK/YPG terror təşkilatına dair təhlükəsizlik narahatlıqları və Astana prosesinə dair koordinasiyanın müzakirə ediləcəyi bildirilir.
Hər iki tərəfin yüksək səviyyəli diplomat və təhlükəsizlik rəsmilərinin iştirak edəcəyi görüşün nəticələrinin regiondakı proseslərə təsir göstərməsi gözlənilir.
