BAKI,AzerVoice
Türk dünyasının gəncləri dildə, fikirdə və işdə birliyi təmin edə bilər.
AzerVoice xəbər verir ki, Türkiyə Böyük Millət Məclisinin (TBMM) sədri Numan Kurtulmuş, Qırğızıstana rəsmi səfəri çərçivəsində "Türk Dünyasının Gələcəyi və Yüksələn Ulduzu Gənclik" konfransına qatılıb.
Kurtulmuş Qırğızıstanda gənclərlə görüşdə Ürkün Anıtını ziyarət edib, tarixin çətin günlərini xatırladığını və Qırğızıstanın müstəqillikdən sonra uğurlar qazandığını bildirib.
O, Türkiyənin Qırğızıstanın müstəqilliyini ilk tanıyan ölkə olduğunu, iki ölkə arasında dostluq və təhsil körpülərinin möhkəmləndiyini qeyd edib.
Kurtulmuş, Türk dünyasının 300 milyonluq coğrafiyada strateji region kimi yüksəldiyini vurğulayıb. Gənclərin bu yüksəlişdə əsas rol oynayacağını, dil, fikir və iş birliyinin vacibliyini bildirib.
Kurtulmuş, Türk dünyasının texnoloji inkişafları izləməli, köklərini unutmamalı və özünəinamlı olmalı olduğunu deyib. Türkiyənin müdafiə sənayesindəki uğurlarına toxunub, mədəniyyət gündəmini özünün təyin etməsinin vacibliyini vurğulayıb.
Sonda “Nizam-ı aləm” idealına sadiq qalaraq, dünyada ədalət və insan hüquqlarının qorunması üçün çalışmağın əhəmiyyətini bildirib.