BAKI,AzerVoice
Rəcəb Tayyib Ərdoğan Türkiyə-İtaliya 4-cü Hökumətlərarası Sammiti üçün Romaya səfər edib.
AzerVoice xəbər verir ki, Ərdoğanı Fiumicino Leonardo da Vinci Beynəlxalq Hava Limanında Türkiyənin Roma səfiri Elif Çomoğlu Ülgen və səfirlik heyəti qarşılayıb.
Daha sonra Ərdoğan İtaliyanın baş naziri Meloni ilə görüşəmək üçün Villa Pamphili iqamətgahına yola düşüb.
Görüşdən əvvəl heyetlər təqdim olunub və ardınca Ərdoğan və Meloni baş-başa danışıqlara başlayıb.
Həmçinin İtaliyaya Türkiyənin xarici işlər naziri Hakan Fidan, ailə və sosial xidmətlər naziri Mahinur Özdəmir Göktaş, gənclik və idman naziri Osman Aşkın Bak, mədəniyyət və turizm naziri Mehmet Nuri Ersoy, milli müdafiə naziri Yaşar Gülər, sənaye və texnologiya naziri Mehmet Fatih Kacır, ticarət naziri Ömər Bolat, MİT rəhbəri İbrahim Kalın, Prezident Administrasiyasının kommunikasiya rəhbəri Fahrettin Altun, xarici siyasət və təhlükəsizlik baş məsləhətçisi Akif Çağatay Kılıç və müdafiə sənayesi rəhbəri Haluk Görgün də daxil olmaqla yüksək səviyyəli nümayəndə heyəti rəsmi səfər edib.