Bakı,AzerVoice

Qambiyanın Müdafiə Naziri Serin Modu Njiye, Türkiyə ilə mükəmməl ikitərəfli əlaqələrinin olduğunu və aldıqları dəstəyin ölçüyəgəlməz olduğunu bildirib.

AzerVoice xəbər verir ki, Njiye, iki ölkə arasındakı münasibətlər və Türkiyə Milli Müdafiə Nazirliyinə bağlı Mehteran Birliyi Mehter qrupunun Qambiyanın müstəqilliyinin 60-cı ildönümü münasibətilə təşkil edilən mərasimlərdə iştirakı haqqında danışıb.

"Gambiya və Türkiyə uzun müddətdir çox yaxşı ikitərəfli münasibətlərə malikdir",- deyə Njiye bildirib.

Njiye həmçinin, Türkiyənin Qambiyanın 1965-ci ildə müstəqilliyini qazanmasından bəri daim dəstəkləyici olduğunu vurğulayıb.

Nazir Njiye, hər il 30-dan çox Qambiyalı tələbənin Türkiyə təqaüdləri ilə bakalavr, magistr və doktorantura təhsili aldığını, bir çox Qambiyalı xəstənin də Türkiyədə müalicə olunduğunu diqqətə çatdırıb.

Njiye, Mehter qrupunun Qambiyanın müstəqillik ildönümündə iştirakına görə Türkiyənin Milli Müdafiə Naziri Yaşar Gülərə təşəkkür edib.

Qısa müddət əvvəl Türkiyədən 17 zirehli personal daşıyan nəqliyyat vasitəsi aldıqlarını xatırladan Njiye, bunun müdafiə sənayesi üçün çox dəyərli bir dəstək olduğunu deyib.