Bakı,
AzerVoice
Türkiyə Milli Müdafiə Nazirliyi (MN) son bir həftə ərzində Şimali
İraq və Suriya da daxil olmaqla, ölkə daxilində və sərhəd
bölgələrində keçirilən əməliyyatlar nəticəsində 56 terrorçunun
zərərsizləşdirildiyini açıqlayıb.
AzerVoice xəbər verir ki, bununla da
2025-ci ilin əvvəlindən etibarən zərərsizləşdirilən terrorçuların
ümumi sayı 377-yə çatıb.
Nazirliyin mətbuat konfransında bildirilib ki, Türkiyə Silahlı Qüvvələri terrorun mənbəyində məhv edilməsi strategiyasını davam etdirir. Sərhədi qanunsuz keçməyə cəhd edən 614 nəfər saxlanılıb, ümumilikdə isə 8181 nəfərin sərhədi keçməsinin qarşısı alınıb.
Milli Müdafiə Nazirliyinin sözçüsü Kont-Amiral Zeki Aktürk, mətbuat brifinqində Qəzza məsələsinə də toxunaraq, İsrailin beynəlxalq hüququ pozduğunu və fələstinlilərə qarşı zülmün dayandırılmasının vacibliyini vurğulayıb. O, 1967-ci il sərhədlərinə əsaslanan iki dövlətli həllin həyata keçirilməsinin zəruri olduğunu qeyd edib.