BAKI, AzerVoice, Nailə Babazadə
Pakistanın paytaxtı İslamabadda məhkəmə binasının yaxınlığında güclü partlayış baş verib. İlkin məlumatlara görə, hadisə nəticəsində 12 nəfər həyatını itirib, 20 nəfər yaralanıb.
AzerVoice xəbər verir ki, Pakistan mətbuatının məlumatına əsasən, partlayış canlı bomba hücumu nəticəsində baş verib.
Polisin açıqlamasında bildirilib ki, partlayış səsi İslamabaddakı yerli məhkəmə binası yaxınlığında eşidildikdən sonra əraziyə təcili yardım və xilasedici qruplar cəlb olunub.
Hadisə yerinə gələn təhlükəsizlik qüvvələri ərazini nəzarətə alıb. Polis hadisə ilə bağlı ilkin məlumatı təsdiqləyərək 12 nəfərin öldüyünü, 20 nəfərin isə yaralandığını açıqlayıb.