BAKI, AzerVoice, Nailə Babazadə

İstanbul Baş Prokurorluğu tərəfindən “İmamoğlu məqsədli cinayət təşkilatı”na yönəlmiş istintaq çərçivəsində 105-i həbsdə olmaqla 402 şübhəli barəsində ittiham aktı hazırlanıb.

AzerVoice xəbər verir ki, İstanbul Baş Prokurorluğu tərəfindən hazırlanmış iddianamədə 105-i həbsdə olmaqla 402 şübhəli barəsində, toplam 143 fərqli əməllə bağlı müxtəlif cinayətlər üzrə İstanbul Ağrı Cinayət Məhkəməsində cinayət işi açılıb.

Cinayət işi açılan şübhəlilərdən 99-u təşkilat üzvü, 1-i təşkilatın qurucusu və lideri (Ekrem İmamoğlu), 6-sı təşkilat rəhbərləri (Fatih Keleş, Murat Ongun, Ertan Yıldız, Murat Gülibrahimğlu, Adem Soytekin və Hüseyin Gün), 92-si təşkilat üzvü, qalanları isə təşkilat üzvü olmamaqla əlaqəli cinayətlər törətmiş şəxslərdir.

Əkrəm İmamoğlu haqqında birbaşa törətdiyi cinayətlər — cinayət məqsədilə təşkilat qurmaq, rüşvət (12 dəfə), cinayət gəlirlərinin yuyulması (7 dəfə), dövlət qurumlarına zərər vurmaqla fırıldaqçılıq (7 dəfə) — və təşkilatın qurucusu və lideri olması səbəbi ilə Türkiyə Cinayət Məcəlləsinin 220/5-ci maddəsi əsasında təşkilat üzvləri tərəfindən törədilmiş müxtəlif cinayətlər üzrə 142 əməldə cəzalandırılması tələb olunub.