BAKI, AzerVoice, Nailə Babazadə
Fənərbaxça Super Liqada “Qaziantep FK” ilə səfərdə qarşılaşacaq.
AzerVoice xəbər verir ki, Trendyol Super Liqasının 10-cu turunda keçiriləcək Qaziantep FK – Fənərbaxça oyunu bu axşam saat 21:00-da Qaziantep Stadionunda baş tutacaq.
Qarşılaşmanı Atilla Karaoğlan idarə edəcək, ona Ceyhun Sesigüzel və Serkan Çimen kömək edəcəklər.
Liqa çərçivəsində son oyununda “Fatih Karagümrük” üzərində 2–1 hesablı qələbə qazanan fənərlilər, həftə ərzində UEFA Avropa Liqasında Almaniyanın “Ştutqart” klubunu da 1–0 hesabı ilə məğlub etməyi bacarıb.
9 turdan sonra 19 xal toplayan Tedesko komandasının üzvləri, hazırda lider Qalatasaraydan 6 xal geri qalaraq 3-cü pillədə qərarlaşıblar.
Son 7 oyunda 5 qələbə və 2 heç-heçə qazanan qırmızı–qaralar isə bu həftəyə 17 xalla 4-cü pillədə daxil olurlar.