BAKI, AzerVoice, Fərid Mikayılov
2026-cı ildə keçiriləcək futbol üzrə dünya çempionatı üçün artıq 1 milyondan çox bilet satılıb.
AzerVoice xəbər verir ki, turnirə ABŞ, Kanada və Meksika 11 iyun -19 iyul tarixlərində ev sahibliyi edəcək.
Təşkilatçıların məlumatına görə, indiyədək 212 ölkə və regiondan azarkeşlər biletlər əldə ediblər. Bilet satışında ilk onluqda aşağıdakı ölkələr qərarlaşıb:
İngiltərə, Almaniya, Braziliya, İspaniya, Kolumbiya, Argentina və Fransa.
Mundial çərçivəsində Şimali Amerikanın 16 stadionunda ümumilikdə 104 oyun keçiriləcək. Ümumi tamaşaçı tutumu 7,1 milyon nəfərdən çox olacaq.
Ən ucuz biletlərin qiyməti 60 dollar təşkil edir və onlar ən azı 40 qarşılaşma üçün əlçatan olub. Lakin bəzi oyunlarda qiymətlər xeyli yüksəkdir.
Məsələn, ABŞ millisinin Kaliforniyanın İnqlvud şəhərindəki ilk oyunu üçün biletlər 560 dollardan 2735 dollara qədər dəyişir.